សៀវភៅនេះជារបស់មិត្តរួមការងាររបស់ខ្ញុំ។ ខ្ញុំឃើញសៀវភៅនេះត្រូវបានចោលនៅលើតុរបស់គាត់ ហើយខ្ញុំក៏សូមសៀវភៅនេះពីគាត់។ យប់ម...
សៀវភៅនេះជារបស់មិត្តរួមការងាររបស់ខ្ញុំ។ ខ្ញុំឃើញសៀវភៅនេះត្រូវបានចោលនៅលើតុរបស់គាត់ ហើយខ្ញុំក៏សូមសៀវភៅនេះពីគាត់។ យប់មិញ ខ្ញុំបានអានសៀវភៅ "កំពូលភ្នំនៃសេចក្ដីទុក្ខ ជើងភ្នំនៃឧបសគ្គ" ចប់។ លុះព្រឹកឡើង ខ្ញុំនៅតែបន្តចំណាយពេលច្រើនជាមួយបណ្ដាញសង្គមដដែល។ ដោយមិនចង់បាត់បង់ពេលវេលាទទេៗជាមួយបណ្ដាញសង្គម និងដោយសៀវភៅនេះខ្លីល្មម ហើយមិនចំណាយពេលយូរក្នុងការអាន ខ្ញុំក៏សម្រេចចិត្តបន្តអានសៀវភៅនេះមួយក្បាលទៀត ដោយចំណាយពេលអស់ប្រហែលមួយម៉ោងនិងសាមសិបនាទី (១១:០៥-១២:៣០)។ ខ្ញុំធ្លាប់បានអានសៀវភៅដែលសរសេរពីការសរសេរព័ត៌មានបែបនេះពីមុនមកខ្លះដែរ ហើយខ្ញុំក៏ចូលចិត្តនិងចង់ស្វែងយល់ពីការសរសេរព័ត៌មានដែរ។ សៀវភៅមួយក្បាលដែលខ្ញុំនៅចងចាំគឺ សៀវភៅ "វិធានជាមូលដ្ឋានស្ដីពី ការប្រមូលនិងសរសេរដំណឹង" ដែលខ្ញុំបានអានកាលពីដើមឆ្នាំ២០១៨។
សៀវភៅនេះជាសៀវភៅទី២២ហើយ ដែលខ្ញុំបានអានក្នុងឆ្នាំ២០២៣នេះ។ ខ្ញុំប្រហែលបន្តជ្រើសរើសសៀវភៅមួយក្បាលទៀតមកអានបន្ត ដើម្បីឲ្យបានគ្រប់ចំនួន២៣ក្បាលសម្រាប់ឆ្នាំនេះតែម្ដង។
១១ វិច្ឆិកា ២០២៣ ១:៤០នាទីរសៀល
១១ វិច្ឆិកា ២០២៣ ១:៤០នាទីរសៀល
